Видео објавено на социјалните мрежи го прикажува 39-годишниот политичар како држи говор на изборен митинг во западниот дел од главниот град кога се слушнале истрели. Други снимки го прикажуваат како лежи на покривот на возило, со телото покриено со крв.
En Colombia la izquierda atentó contra el senador y candidato presidencial Miguel Uribe Turbay.
Recibió un disparo entre la cabeza y el cuello. Su estado es grave.
Así funciona la izquierda en todo el mundo. pic.twitter.com/va5pAVAf72— IRON (@GordoSuperavit) June 8, 2025
Десничарскиот политичар бил застрелан двапати во главата и еднаш во коленото, според болничарите кои го лекувале.
Полицијата на лице место уапсила 15-годишен осомничен, пренесува Би-би-си.
Урибе беше нападнат додека се обраќаше пред мала група луѓе во парк во саботата.
Неговата партија Демократски центар го осуди нападот, велејќи дека „го загрозува животот на политичкиот лидер… демократијата и слободата во Колумбија“.
Колумбиската влада го осуди нападот врз Урибе како „чин на насилство не само против неговата личност, туку и против демократијата“.
Урибе потекнува од истакнато политичко семејство во Колумбија, со врски со Либералната партија, неговиот татко бил синдикален лидер и бизнисмен.
Неговата мајка, новинарката Дијана Турбеј, била убиена во 1991 година во обид за спасување, откако била киднапирана од нарко-картелот Меделин, кој во тоа време го водел Пабло Ескобар.
