Поради глобалното затоплување и затоплувањето на Арктикот, ледените покривки почнуваат да се топат, а микробите во нив постепено се будат.
Пермафростот, трајно замрзнато тло во период од над две години, е природен фрижидер што содржи огромни резервоари на јаглерод, а кога се топи, микробите во него можат да ослободат јаглерод диоксид, метан и други штетни гасови што придонесуваат за ефектот на стаклена градина, според порталот Брајтерсајд.
За да откријат колку брзо овие микроби оживуваат по одмрзнувањето, научниците од Универзитетот во Болдер, Колорадо, ги изложиле на метод на одмрзнување на база на вода во лабораторија, а потоа го следеле понатамошниот тек на настаните.
„Овие микроби се како временски капсули и не се само мртви примероци, туку можат многу силно да ослободат јаглерод диоксид“, рече истражувачот Тристан Каро.
Студијата откри дека арктичкиот пермафрост не ги ослободува своите резерви на јаглерод одеднаш при одмрзнувањето, туку микробите во него оживуваат постепено и потребно е време за штетните гасови да почнат да емитуваат.
Наодите од студијата би можеле да помогнат во подетални прогнози за стапката на емисии на штетни гасови додека се одмрзнува Арктикот, а оваа информација укажува на потребата што е можно поскоро да се намали согорувањето на фосилните горива што доведува до такви емисии.
