„Сите мислиме дека имаше пресвртница во оваа војна. Прашање на време е, (рускиот претседател Владимир) Путин ќе ја изгуби оваа војна“, оцени Карни. Канадскиот премиер нагласи дека водечките западни сили како Германија, Британија и Франција го делат тој став, додавајќи дека продолжувањето на конфликтот од руска страна станало целосно залудно.
„Од сега до моментот кога тој тоа ќе го сфати или прифати, она што го прави Русија е апсолутно бесмислен масакр“, оцени Карни без да каже врз што го заснова својот заклучок.
Collins: You said you think that Ukraine is going to ultimately win this war. When you were talking behind closed doors and the U.S. president was there, is that a view that he seemed to share as well?
Carney: We, the Germans, the UK, the French, all are of the view that the… pic.twitter.com/5qinEQmZZ5
— Scott Robertson (@sarobertson_) June 17, 2026
Карни потсети на огромната улога што неговата земја ја игра во „одбраната на Европа“, истакнувајќи дека официјална Отава нема намера да ја намали поддршката на Киев. Според него, Канада ја држи позицијата на најголем снабдувач на помош за Украина по глава на жител во светот и е исто така еден од главните инструктори на украинската армија.
„Имаме договори за заедничко воено производство со Украина, а нашите сили се распоредени на првите линии на одбраната во Балтикот. Длабоко сме вклучени во овој процес“, рече канадскиот премиер, оправдувајќи го оптимизмот на западните лидери кои се собраа во Франција.
Овој оптимизам на западните лидери доаѓа во време на споро но постојано руско напредување на бојно поле. Основа за оптимизмот на Карни веројатно се сè почестите украински напади со западно оружје со долг дострел длабоко во руска територија, кои гаѓаат руски рафинерии за нафта, воени депоа, аеродроми и логистички центри.
