„Претседателот на Соединетите Американски Држави тукушто повика на апсење на актуелниот гувернер. Ова е ден за кој се надевав дека никогаш нема да го видам во Америка. Не ме интересира дали сте демократ или републиканец, ова е граница што не смееме да ја преминеме како нација. Ова е непогрешлив чекор кон авторитаризам“, напиша Њусом.
Изјавата на Трамп е дадена во контекст на проимиграциските немири во Калифорнија, што го поттикна да ја распореди Националната гарда во таа сојузна држава.
The President of the United States just called for the arrest of a sitting Governor.
This is a day I hoped I would never see in America.
I don’t care if you’re a Democrat or a Republican this is a line we cannot cross as a nation — this is an unmistakable step toward… pic.twitter.com/tsTX1nrHAu
— Gavin Newsom (@GavinNewsom) June 9, 2025
Во саботата, Том Хоман, „царот на границите“ на Трамп и привремен директор на Одделот за имиграција и царина, се закани дека ќе го уапси секој што ќе ги попречи напорите за спроведување на законите за имиграција, потег што ги вклучува и Њусом и градоначалничката на Лос Анџелес, Карен Бас.
Во интервју за Ен-би-си њуз Њусом одговори со предизвик, порачувајќи му на Трамп „едноставно да стави крај на сè“ и да го уапси. Трамп денес одговори потврдно на новинарско прашање дали би ја поддржал заканата на Хоман за апсење на Њусом.
