Селекторот Кирил Лазаров ги собра репрезентативците во хотелот „Александар Палас“, каде што националниот тим ќе ги одработи првите тренинзи пред заминувањето за Словачка.
На денешниот собир присуствуваше и претседателот на РФМ, Александар Стефанов, кој им даде поддршка на репрезентативците и на стручниот штаб пред важните натпревари.
Првиот натпревар меѓу Македонија и Словачка се игра в четврток од 19:00 часот, додека реваншот е закажан за в недела во истиот термин во СЦ „Борис Трајковски“, каде што македонските ракометари ќе бркаат пласман на ново големо натпреварување.
