Владата на округот Чаојанг денеска соопшти дека повредените добиваат медицинска помош и дека надлежните органи го истражуваат инцидентот, пренесува Ројтерс.
„Лесен спортски авион со еден мотор и две седишта се урна во облакодер додека леташе во близина на источната трета обиколница во Чаојанг во петокот во 17 часот и 55 минути по локално време“, се вели во соопштението објавено на социјалните мрежи.
Се наведува дека во авионот имало само едно лице, пилотот, кој загинал.
A small aircraft crashed into Beijing’s tallest skyscraper
In Beijing, a light aircraft, the Sunward SA60L Aurora, crashed into the CITIC Tower (China Zun), the tallest building in the Chinese capital.
The aircraft was completely destroyed on impact, and its wreckage and small… pic.twitter.com/lv8K49D8l7
— NEXTA (@nexta_tv) June 26, 2026
Штетата на фасадата на облакодерот се чини дека е ограничена на дупка создадена откако паднале два големи стаклени панели. Дупката беше привремено затворена со заштитни панели.
Ројтерс во петокот објави за удар во зграда висока 528 метри, позната како Кулата ЦИТИК или Кина Зун, во централниот деловен округ на Пекинг. Таа е оддалечена околу 6 км од Забранетиот град, кој го посетуваат илјадници туристи секој ден, а се наоѓа и во близина на Џонгнанхај, комплексот во кој се сместени канцелариите на највисокото политичко раководство на Кина.
Breaking news: On the evening of June 26, CITIC Tower (China Zun) in Beijing was struck by a small aircraft, cause unknown. pic.twitter.com/FzfErCXLgZ
— 巴丢草 Bad ї ucao (@badiucao) June 26, 2026
Инцидентот се случи откако Пекинг во мај воведе забрана за купување, изнајмување или летање на дронови без одобрение, наведувајќи ја како причина загриженоста за јавната безбедност.
Последната авионска несреќа во Пекинг се случи во 2022 година, кога туристички хеликоптер се урна за време на летот помеѓу областите Чангпинг и Фангшан, при што загинаа двајца пилоти.
