Дека Ливерпул го очекува лош ден беше најавено уште во четвртата минута кога несреќниот Алисон сам си внесе една топка за водство на Вест Хем од 1-0.
На пет минути пред крајот на првиот дел Ливерпул израмни со прекрасен гол од слободен удар на Александер Арнолд.
Во 67. минута Форналс го врати водството на Вест Хем, а седум минути подоцна погоди и Курт Зума за 3-1.
До крајот на мечот Ливерпул преку Ориги успеа само да го ублажи поразот на 3-2.
По 11 одиграни кола Вест Хем е на третото место со 23 бода колку што има и вториот Манчестер Сити, Ливерпул е четврт со 22 бода, лидер е Челси со 26.
