Реал Мадрид одигра одлична партија, покажа кој е кој и со четири гола и освои трите бода од гостувањето кај Гранада.
Серијата ја отвори Асенсио уште во 19. минута, а шест минути подоцна Начо Фернандез зголеми на 2-0.
Гранада успеа да се врати во мечот, во 34. минута Суарез реализираше за 1-2, со тој резултат се замина на полувремето.
По десет минути игра во вториот дел, Винисиус Жуниор реализираше за 3-1, веќе стана јасно кој ќе биде победникот на овој меч.
Работите за Реал Мадрид беа дополнително олеснети во 67. минута кога Мончу заработи црвен картон, а точка на мечот стави Менди со гол во 76. минута.
По 13 одиграни кола Реал Мадрид има 30 бода, два повеќе од Севиља и Реал Сосиедад.
