„Кралевите“ продолжуваат да редат победи, вечерва се радуваа на шестиот триумф во низа во Ла Лига откако со 0-2 славеа на гостувањето кај Реал Сосиедад.
Лука Јовиќ ги инспирираше избраниците на Карло Анчелоти, Србинот влезе на местото на повредениот Бензема и на стартот од вториот дел му асистираше на Винисиус за 0-1.
Во 57. минута, самиот Лука Јовиќ ја затресе мрежата на Реал Сосиедад за 0-2. Ова беше негов прв гол во дресот на „кралевите“ по февруари 2020 година.
Со овој триумф, Реал Мадрид креираше +8 на врвот на табелата.
