Ако ги минат своите противници во ова квалификациско коло од Лигата на шампионите, Црвена звезда и Динамо Загреб ќе имаат меѓусебен дуел во плеј-офот.
Но, ниту Звезда, ниту Динамо не успеаа да обезбедат предност од првите натпревари кои ги играа дома.
Синоќа Црвена звезда ремизираше со Шериф Тираспол, а денеска Динамо Загреб одигра 1-1 со Легија.
Петковиќ во 60. минута донесе водство од 1-0 за Динамо Загреб, а Муци во 82. минута го изедначи резултатот на 1-1.
Стефан Ристовски ги одигра сите 90 минути за Динамо Загреб, Адеми е надвор од стројот поради повреда.
Денеска се одиграа уште два меча од квалификациите за Лигата на шампионите, Бенфика со 2-0 славеше на гостувањето кај Спартак Москва, со истиот резултат но на свој терен Ференцварош ја победи Славија Прага.
