На раскрсница со повеќе ленти, семафорот откажа неколку пати, а сообраќајниот хаос доведе до две несреќи, во кои неколку лица беа полесно повредени, објави Шпигел.
Градскиот оддел за градежништво на крајот ја откри причината за проблемот – мравки во кутијата за контрола на семафорот, изјави портпаролот на градот.
Кутијата ќе биде исчистена и дополнително запечатена, објави весникот.
Засега не е познато за каков вид мравки станува збор.
Првично, се сомневаше дека станува збор за инвазивен вид, но градскиот оддел за градежништво објави дека „многу веројатно“ не станува збор за видот Тапинома магнум, големи жлездести мравки, кои се присутни на неколку локации во југозападна Германија од 2009 година.
Во градот Келн, во западна Германија, овој вид предизвикал прекини во струјата и интернетот, а навлегле и во станбени згради.
Нејзините суперколонии можат да бројат од стотици илјади до милиони единки.
Градот Карлсруе првпат беше погоден од инвазивниот вид Ласиус неглектус (заборавена градинарска мравка) минатата година, кога жителите се пожалија на наезда од мравки на тераси, улици, дрвја и контејнери.
Инвазивните видови мравки се сè повеќе присутни во Германија, оштетувајќи патеки и ѕидови и предизвикувајќи прекини во струјата и интернетот.
