„Точно е дека е укината пресудата која ѝ беше изречена на Ангела Ѓорѓиевска за помагање во убиството на Пино Секондо. Јас лично го добив известувањето и таму е наведено дека причина за укинувањето е суштествена повреда на постапката, како и погрешно утврдување на фактичките состојби. Засега толку знам и толку можам да кажам. Во моментов немам контакт со странките и не знам дали во иднина повторно ќе ја застапувам обвинетата, со оглед на тоа што таа има и друг бранител“, изјавил Миланов.
Ангела Ѓорѓиевска доби 19 години затвор за убиството на Пино Секондо. Судијката
Ленка Давитковска ја прогласи за виновна за помагање во извршување на убиството во 2018-та година. Телото на Пино беше пронајдено во април 2019 година, кај местото Башинец.
Обвинетиот за кој се смета дека го извршил убиството со пушка, Фуркан Али, и натаму е во бегство.
