Арсовски истакна дека кога Бугарите нашле Влада која молчи на секоја нивна провокација, тоа станува нормално однесување, но она што не е нормално, според него, тоа е што владата во Македонија предводена од СДСМ продолжува да глуми нормалност, а молчењето значи одобрување, но одобрување само од нивна страна, а не од јавноста.
„И додека владата на СДСМ молчи на новите пазарења со Бугарија факти кои се случија во меѓувреме се дека најпрвин поскапе струјата за над 15 проценти, потоа ја укинаа евтината тарифа, кои сами ја воведоа, метанот кој го рекламираа за најеколошки го поскапеа за 120 проценти и се појави ново сведоштво дека парите од рекетот завршиле во Струмица“, рече Арсовски.
