На 8 мај годинава, Општина Карпош соопшти дека Лукровски е на боледување поради здравствени причини и дека привремено ги пренел своите овластувања на советникот во Општина Карпош, Неделчо Крстевски.
Премиерот Христијан Мицкоски потврди дека Лукровски е на боледување, но изјави дека не може да сподели повеќе детали за неговата здравствена состојба, бидејќи станува збор за приватна работа.
Лукровски беше отсутен околу два месеци, по што на 1 јули 2026 година се врати на работа. Во својата јавна објава наведе дека поминал низ здравствен предизвик и дека тоа било големо искушение, но не ја откри дијагнозата или причината за боледувањето.
„Животот е борба исполнета со предизвици, но не затоа што е против нас, туку затоа што секој предизвик нè принудува да растеме, да учиме и да станеме посилни“, напиша Лукровски во објавата. Денес, со голема благодарност и искрена радост, повторно се враќам на своето работно место. Ова враќање за мене не претставува само продолжување на професионалните обврски, туку и лична победа над здравствените предизвици со кои се соочив во изминатиот период. Најодговорно сакам да ги демантирам сите шпекулации и лаги врзани за моето име. Згрозен сум од начинот на кој одредени поединци и партии пробаа да дојдат до евтини политички поени на сметка на мојата состојба. Само оние кои недоволно ме познаваат може да поверуваат дека сум се откажал“, напиша Лукровски на фејсбук.
