Од МВР информираат дека СВР Скопје-Единицата за насилен криминал до ОЈО-Скопје поднела кривична пријава против 19 годишните Ј.Ј. и В.А. и 23 годишниот В.С. сите од Скопје поради постоење основи на сомнение за сторено кривично дело насилство врз дете.
„Имено на 22.06.2026 околу 23:50 часот на улица Финска во паркот, пријавените физички нападнале 14-годишен малолетник и употребиле тврд предмет, а со остар предмет му биле нанесени повреди“, информираат од МВР.
Од страна на полициски службеници излезено е на местото на настанот и пронајден бил ножот со кој било извршено кривичното дело и бил предаден на вештачење, а по преземени мерки пријавените биле лишени од слобода и со нив бил извршен службен разговор.
