Командирот на ТППЕ Старо Нагоричане, Далибор Трајковски информираше дека пожарот избувнал вчера после 13 часот.
„На терен бевме осум пожарникари и две противпожарни возила, на помош дојдоа колегите од ТППЕ од Ранковце со две противпожарни возила и четворица пожарникари и вработени од Национални Шуми. Дежураме и гасневме осум пожарникари и сè уште работиме. Утринава пак продолживме, тука се и екипи од кумановската подружница на национални шуми“, изјави Трајковски.
РЦУК Куманово пренесува информација и за пожар во липковско Ваксинце, каде горела сува трева на која интервенирале пожарникари од Куманово. Кумановските пожарникари интервенирале и на сообраќајна несреќа на улицата „11 Ноември“ во населбата Бедиње во Куманово.
