Вчера попладне на регионалниот пат Градско-Прилеп, во Росоман, товарно возило „сканиа“ со кавадаречки регистарски ознаки со приколка управувано од Р.Љ., на возраст од 45 години од Кавадарци, удрило во пешак К.Ѓ., на 89-годишна возраст од Росоман. Од повредите, на местото на несреќата починал пешакот, а смрт констатирал лекар од Итна медицинска помош – Кавадарци.
Известен бил јавен обвинител и во тек е увид од страна на увидна екипа од ОВР – Кавадарци.
Сообраќајот на регионалниот пат Градско – Прилеп беше во прекин.
