Во Скопје во раните утрински часови изгореле две возила во строгиот центар на градот, додека во Охрид пожар во сендвичара остави двајца вработени со сериозни изгореници.
Според информациите од СВР Скопје, на 26 април 2026 година околу 05:00 часот било пријавено дека на улиците „Орце Николов“ и „Никола Тесла“ избувнал пожар во две патнички возила.
Станува збор за патничко возило „ауди“ со гевгелиски регистарски ознаки, сопственост на К.К., како и „пежо 307“, исто така со гевгелиски таблички, сопственост на К.К.
Пламенот брзо се проширил, а освен што целосно ги зафатил возилата, бил оштетен и семафор на улицата „Орце Николов“, што дополнително ја зголемува материјалната штета.
Во инцидентот нема повредени лица, но останува отворено прашањето дали станува збор за подметнат пожар или несреќен случај. Полицијата презема мерки за целосно расчистување на случајот.
Паралелно со ова, пожар избувнал и во Охрид.
На 25 април во 12:30 часот во СВР Охрид било пријавено дека избувнал пожар во сендвичара на улицата „Кеј Македонија“, една од најфреквентните локации во градот.
Во пожарот со изгореници се здобиле двајца вработените А.П. од Охрид и М.Б. од Битола.
Тие веднаш биле пренесени со возило на Итна медицинска помош во Медицинскиот центар во Охрид, каде им била укажана лекарска помош.
Засега не се соопштува како избувнал пожарот, ниту дали причината е технички дефект, невнимание или друг фактор.
