Бавниот тек на вакцинацијата и управувањето со пандемијата предизвикаа бран протести против владата на премиерот Хичем Мечичи, кој беше соборен од претседателот Каис Саид пред две недели во серија итни мерки.
Пет месеци по почетокот на вакцинацијата во таа северноафриканска земја, 1,3 милиони Тунижани примиле две дози.
Во обид да се забрза распоредот за вакцинација, Тунис обезбеди вакцинација за лица постари од 40 години, и илјадници луѓе побрзаа во центрите за вакцинација. Министерството за здравство соопшти дека 551.000 луѓе биле вакцинирани во неделата.
Единиците за интензивна нега и одделите за итни случаи се полни во болниците низ Тунис. Лекарите се жалат на исцрпеност и недостаток на залихи со кислород.
Тунис има за цел до средината на октомври да вакцинира 50 проценти од своите 11,6 милиони жители.
Земјата пријави повеќе од 20,000 смртни случаи и повеќе од 610,000 инфекции со коронавирус од почетокот на пандемијата.
