Слоновите безбедно го преминаа мостот преку реката Јуан, свртувајќи на југ кон природниот парк со кој управува градот Пуер, потврдија надлежните служби.
Специјалниот комитет формиран за диви слонови користи електрични огради, разни мамки, како храна, за да ги води до нивната дестинација.
Членот на управниот одбор Јанг Јингјонг им рече на новинарите дека миграциската рута е „научно испланирана“.
A herd of 14 wild elephants that have wandered for months through southwestern China may be “one step closer to home” after crossing the Yuanjiang River, officials said pic.twitter.com/UxSDHRqASU
— Bloomberg Quicktake (@Quicktake) August 9, 2021
„Комитетот ќе стори сè за да ги врати слоновите во нивното живеалиште што е можно поскоро за таму да просперираат“, рече Јанг.
Јунан распореди повеќе од 25.000 полицајци и 1.500 возила за следење и хранење на слоновите, но и да се осигури јавна безбедност.
Повеќе од 150.000 луѓе се евакуирани долж рутата, а осигурителните компании исплатиле околу пет милиони јуани (771.000 американски долари) како материјална штета.
Во април оваа година, 15 слонови го напуштија Пуер и пешачеа повеќе од 1.300 километри за во јуни да застанат кај Кунминг.
Шен Кингжонг, експерт во природниот парк Сишуанбана, рече дека е многу веројатно слоновите повторно да се упатат кон север, бидејќи „миграциите и проширувањето на популацијата азиски слонови се неизбежни“.
A herd of elephants in China is making its way home after traveling more than 500 kilometers last year. https://t.co/l4bPsa612Q pic.twitter.com/wiwFRQxEnz
— CNN (@CNN) August 9, 2021
