Севернокорејските војници не беа одделени на почетокот на парадата, како што обично е случај со странските учесници, туку маршираа заедно со руските единици. Нивното учество е еден од највпечатливите симболични моменти на овогодинешната парада, особено во контекст на продлабочувањето на воено-политичкиот сојуз меѓу Москва и Пјонгјанг. Според извештаите од парадата, севернокорејските војници беа претставени како дел од силите што претходно, заедно со руските единици, учествуваа во битките во Курската област.
Севернокорејскиот лидер Ким Џонг Ун претходно изјави дека припадниците на корејската војска, дури и кога се во странство, се сеќаваат на својата татковина и одат во битка имајќи ја предвид честа на својата земја. Москва, од друга страна, го претстави учеството на севернокорејските сили како потврда на сојузничките односи меѓу двете земји.
North Korean troops marched in Russia’s Victory Day parade in Moscow for the first time.pic.twitter.com/4KNAhAK2cn
— Clash Report (@clashreport) May 9, 2026
Овогодинешната Парада на победата се одржа во значително изменет формат. За прв пат по речиси две децении, на Црвениот плоштад немаше тешка воена опрема, тенкови и други големи борбени системи, а руското Министерство за одбрана го објасни таквиот формат со „тековната оперативна ситуација“. Неколку западни медиуми објавија дека парадата била скратена и организирана под зголемени безбедносни мерки поради страв од напади со украински беспилотни летала.
И покрај отсуството на класично прикажување на тешка опрема, парадата го задржа својот политички и симболичен карактер. Рускиот претседател Владимир Путин им се обрати на присутните на Црвениот плоштад, поврзувајќи го сеќавањето на победата над нацизмот со сегашната улога на руските вооружени сили. За време на парадата, како што објавија медиумите, за прв пат беа прикажани снимки од руски единици кои дејствуваат во зоната на „специјалната воена операција“, како и учеството на единиците со беспилотни системи.
