Утрово во угостителски објект во Крапина, Хрватска, се случи пукање, во кое беше убиен полицаец (52), а убиецот се застрелал со истото оружје, по што бил пренесен со хеликоптер во Клиничката болница Дубрава во Загреб.
„Нешто по осум часот во угостителски објект во Крапина, полицаец кој не бил на должност бил убиен со огнено оружје. Сторителот се ранил со истото огнено оружје, а потоа бил пренесен со хеликоптер во Клиничката болница Дубрава. Полициски службеници се на местото на настанот и ги утврдуваат сите околности на инцидентот“, изјави портпаролот на Полициската управа Крапино-Загорје, Звонимир Лончар, пренесе Хина.
Според Индекс.хр, убиен е Роберт Грилец, шеф на Одделот за криминалистичка полиција во Полициската управа Крапино-Загорје. Степенот на повредите на ранетиот напаѓач сè уште не е познат.
“Došao je unutra s pištoljem i iz čista mira tri puta pucao u njega. Onda je otišao van i upucao sebe”, pričaju svjedoci.https://t.co/y0H7rHHdWo
— Index.hr (@indexhr) May 10, 2026
Хина додава дека убиениот полицаец е жител на Крапина, како и сторителот, и дека живееле во соседството.
Убиениот шеф на криминалистичката полиција, Роберт Грилец, во 2018 година бил награден од тогашната претседателка Колинда Грабар Китаровиќ за неговата чесна и примерна служба, потсетува Индекс.
