Пилотот се здоби со полесни повреди, а други пожарникари му помогнале, објави новинската агенција АНА.
Причината за падот на авионот е непозната, пренесува АП.
Грција веќе шест дена се бори со пожари, а најголемиот фронт е на островот Евија, каде илјадници луѓе се евакуирани со траекти.
„Пред нас е уште една тешка вечер, уште една тешка ноќ“, рече заменик -министерот за цивилна заштита Никос Хардалијас.
„На Евија имаме пожар на два големи фронта, еден на север и еден на југ“, рече Хардалијас, додавајќи дека силните ветрови го туркаат пожарот од северниот фронт кон селата на плажите.
