Вирџинија Џифре е обвинителка во случајот против обвинетиот „принцот Ендрју, војводата од Јорк“, според обвинението поднесено во Окружниот суд на Менхетен.
Џифре во обвинението тврди дека „Епстајн редовно ја злоставувал и дека Епстајн ја позајмувал на други моќни мажи за сексуални цели“.
„Еден таков моќен човек… е обвинетиот, принцот Ендрју“.
Virginia Giuffre, one of Jeffrey Epstein’s most prominent accusers, has filed a lawsuit against Prince Andrew saying that he sexually abused her when she was 17, according to court documents. https://t.co/Sm6X1MCmmg
— The New York Times (@nytimes) August 9, 2021
Џифре рече дека Ендрју сексуално ја злоставувал во куќата на Гислајн Максвел во Лондон пред повеќе од 20 години, кога таа сè уште била малолетна.
„Епстајн, Максвел и принцот Ендрју ја принудија обвинителката, дете, на сексуален однос со принцот Ендрју против нејзина волја“, се вели во него.
Ендрју (61) жестоко негира дека имал секс со Џифре и не се сеќава дека воопшто ја сретнал, но тие обвинувања може да му наштетат на британското кралско семејство.
Ендрју, вториот син на кралицата, се повлече од кралските должности во 2019 година поради пријателството со Епстајн.
Џифре, исто така, тврди дека Ендрју ја злоставувал во вилата на Епстајн во Њујорк и во Литл Сент Џејмс, приватниот остров на Епстајн на Девствените Острови.
Џифре, сега 38 -годишна, го тужи Ендрју според одредбите на Законот за деца жртви, бидејќи тогаш имала 17 години.
Епстајн бил американски финансиер кој се спријателил со многу познати личности, меѓу кои и поранешниот американски претседател Бил Клинтон и Бил Гејтс.
Тој изврши самоубиство во затвор во 2019 година, додека чекал судење за сексуално злоставување малолетници.
Во судските досиеја има фотографија на која наводно е Ендрју со Џифре во домот на Гислајн Максвел во Лондон пред сексуалното злоставување.
Virginia Giuffre: Prince Andrew accuser files civil lawsuit in US https://t.co/95skmGrjyg
— BBC News (UK) (@BBCNews) August 9, 2021
Џифре, која веќе ги изнесувала обвинувањата на телевизиски интервјуа, го тужи принцот Ендрју за „пример на другите и кривична отштета“.
„Сметам дека принцот Ендрју е одговорен за она што ми го направи. Моќните и богатите не се ослободени од одговорност за своите постапки“, рече таа пред медиумите.
„Не ја донесов одлуката лесно. Како мајка и сопруга, моето семејство е на прво место. Свесна сум дека овој потег ќе ме изложи на понатамошни напади од принцот Ендрју и неговите претставници”.
