Бројот на трупите кои ќе помагаат во извлекувањето на американските државјани и авганистанските соработници сега се качи на 6.000, пренесува Ројтерс.
Американскиот извор додаде дека станува збор за 1.000 војници од 82. воздушно-десантна дивизија, која веќе била во состојба на готовност.
Првично 3.000 војници требаше да ја обезбедуваат евакуацијата на Американците од Кабул.
I see few scenarios where tonight does not result in some sort of bloodshed on the tarmac. Too many people. Too little control. pic.twitter.com/rLu0W9vtFt
— The Intel Crab (@IntelCrab) August 15, 2021
Утре седница на Советот за безбедност на ОН за Авганистан
Советот за безбедност на обединетите нации утре ќе одржи итна седница посветена на ситуацијата во Авганистан.
Седницата на Советот за безбедност ќе биде одржана во 16 часот на барање на Естонија и Норвешка, јавува Асошиејтед прес.
Според дипломати на ОН, генералниот секретар на ОН Антонио Гутереш ќе ги информира членките на Советот за ситуацијата откако талибанците ја преземаа авганистанската престолнина Кабул.
Талибанците денес соопштија дека ја контролираат целата територија на Авганистан.
Авганистанскиот претседател Ашраф Гани ја напушти земјата откако исламистичките милитанти денес влегоа во Кабул.
