„Дваесетина луѓе се наоѓале во зградата во време на несреќата, нешто пред 17 часот по локално време“, кажа гувернерот на покраината Малатја Ајдин Барус.
Повеќе од два часа по почетокот на спасувачката акција десетина луѓе и понатаму биле заробени под урнатините, јави телевизијата Хабертурк.
#news
Building collapses in #Turkey – dozens trappedA two-story building collapsed in eastern Turkey’s Malatya on Tuesday. Search and rescue efforts are ongoing to pull some 20 people believed to be trapped under the rubble. pic.twitter.com/dx4CgDVuSq
— RawNews1st?? (@Raw_News1st) November 9, 2021
Тринаесет лица се спасени и хоспитализирани, според владината агенција за управување со природни катастрофи Афад.
„Продолжуваат операциите на пребарување и спасување“, напиша на Твитер одговорниот за комуникации на турското претседателство Фахретин Алтун.
Две од повредените лица се во тешка состојба.
Малатја е град со 450.000 жители, на 500 километри воздушна оддалеченост од АНкара.
„Во еднокатницата на прометната улица во Малатја се наоѓаа разни дуќани, еден ресторан и кафуле“, кажа Енвер Кираз, претседател на локалната гранка на опозициската партија ЦХП. Тој додаде дека се повредени и минувачи.
Сè уште не се познати причините за уривањето, а локалните медиуми јавуваат дека на зградата биле вршени градежни работи.
