„Командниот брод на Шестата флота на американската Воена морнарица Маунт Витни го почна транзитот на север, до Црно Море, каде што ќе изведува операции со нашите НАТО-сојузници и со партнерите во регионот”, наведено е во соопштението.
На крајот на минатата недела командата на САД и НАТО соопштија дека во Средоземно и во Црно Море ќе бидат изведени вежби, чија цел е осигурување безбедност и стабилност во регионот.
Освен тоа, американскиот разурнувач Портер, вооружен со крстосувачки проектили, пред два дена вплови во Црно Море, но не е познато дали неговото праќање во регионот е поврзано со најавената вежба, пренесува агенцијата РИА Новости.
Разурнувачот Портер го следат силите на руската Црноморска флота.
