Протестот се одржува пред регионалните избори на кои АфД би можела првпат да ја преземе власта на ниво на германска сојузна покраина.
Демонстранти од синдикати, организации на граѓанското општество и левичарски партии се собраа додека полицијата распореди голем број безбедносни сили, вклучувајќи засилувања од други делови на Германија, пред дводневниот конгрес на АфД, пренесува Ројтерс.
Полицијата проценува дека околу 15.000 лица учествувале во протестите во Ерфурт и околината.
+++ NIUS vor Ort +++ Heute AfD-Parteitag in Erfurt! Erste Sitzblockaden von „Widersetzen“ bereits um 6 Uhr morgens – während viele Abgeordnete bereits in der Halle sind. Alles News rund um den Parteitag im Ticker: https://t.co/V5y0DAeLu6 pic.twitter.com/E6bPDReooj
— NIUS (@niusde_) July 4, 2026
„Сакаме јасно да ставиме до знаење дека едноставно нема да го толерираме ова и дека фашизмот повторно е во пораст овде во Германија“, изјави Георг Бекер, портпарол на иницијативата „Отпор“ против АфД.
Конгресот, на кој се очекува повторно да бидат избрани копретседателите на партијата Алис Вајдел и Тино Хрупала, се одржува пред изборите во источните сојузни покраини Саксонија-Анхалт и Мекленбург-Западна Померанија, за кои АфД верува дека би можеле да го отворат патот за успех на партијата на национално ниво.
Основана пред повеќе од една деценија, АфД, според анкетите на јавното мислење, доби значителна предност пред конзервативниот блок на германскиот канцелар Фридрих Мерц, благодарение на комбинацијата од националистичка реторика, застапување за построги имиграциски политики и привлекување гласачи незадоволни од работата на последователните влади и годините на економска стагнација.
Противниците ја обвинуваат АфД за промовирање расистички политики и ставови некомпатибилни со демократските вредности на Германија и предупредуваат дека доаѓањето на партијата на власт би претставувало закана за уставниот поредок на земјата.
Традиционалните политички партии ја отфрлија можноста за соработка со АфД како дел од таканаречената стратегија за „заштитен ѕид“, која има за цел политички да ја изолира партијата и да ја спречи да влезе во коалициски влади.
Според најновите анкети, поддршката за АфД достигнува 29 проценти, додека конзервативниот блок ЦДУ/ЦСУ на канцеларот Мерц има поддршка од околу 22 проценти од гласачите.
Партијата, исто така, постигна значителен напредок на регионалните избори во две западногермански покраини претходно оваа година.
Најголема поддршка АфД сепак има во поранешната комунистичка Источна Германија, каде истражувањата покажуваат највисоко ниво на разочараност кај гласачите од традиционалниот партиски систем.
Во Саксонија-Анхалт, каде што најновите анкети ѝ даваат на АфД поддршка од 41 процент, во споредба со 23 проценти за Христијанско-демократската унија на Мерц, партијата смета на убедлива победа.
АфД, исто така, се надева дека ќе стане најсилната политичка сила во Мекленбург-Западна Померанија.
