Снимките објавени на социјалните мрежи покажуваат вознемирувачка сцена на болничари кои реанимираат луѓе кои лежат на подот во масата луѓе на фестивалот Асто ворлд во Хјустон, кој го организира раперот Тревис Скот.
Третиот годишен фестивал привлече голем број посетители од кои некои не сакале повеќе да чекаат да ги отворат капиите и да влезат во просторот ограден за одржување на фестивалот. Во трката и туркањето што побрзо да се мине низ капиите и да се влезе внатре повредени се голем број посетители.
Шефот на локалната пожарникарска служба Сем Пена кажа дека дошло до гужва кај предниот дел на бината и дека настанала паника. На лице место се видени повеќе десетици возила на брза помош, здравствени работници и друг персонал.
⚠️??#URGENT: Multiple injuries reported at Astroworld Music Festival in Houston, Texas#Houston l #TX
A large medical response is underway at NRG Park for ‘several patients’. Disturbing footage from the scene shows EMS performing CPR on three patients.
Gathering more details! pic.twitter.com/5LPUHX7pnz— Intel Point ALERT (@IntelPointAlert) November 6, 2021
Пожарникарската служба на Хјустон наведе на Твитер дека нивните екипи се наоѓаат на лице место откако биле известени за „повеќекратни повреди на цивили“. Како што се наведува, изведена е кардиопулмонална реанимација на најмалку две лица.
Најлошиот дел на инцидентот се случил во 21:15 часот по локално време, кога околу 50.000 луѓе тргнале кон бината, кажа шефот на локалните пожарникари.
„Масата почна да се турка во дело пред бината, и луѓето почнале да паничат“, кажа Пена.
[video:https://youtu.be/hTSMMCKeGfg autoplay:0]
