Станува збор за инцидентот кој се случи на 17 ноември годинава.
Скај њуз тврди дека, според нивните информации, видеото е автентично. На самата снимка се гледа како авионот полека оди кон рампата за полетување и потоа паѓа преку неа, додека пилотот успешно се катапултира со што е избегната трагедија.
A British #F35 stealth jet dropped off a launch ramp on the UK’s flagship aircraft carrier @HMSQ & into the sea without ever getting airborne, leaked footage of its final moments has revealed.
Video, thought to be authentic, 1st posted by @sebh1981https://t.co/GqKv4h5mgc
— Deborah Haynes (@haynesdeborah) November 29, 2021
Иако точната причина сè уште не е потврдена, британските медиуми нагаѓаат дека станува збор за човечка грешка, а не технички недостаток на самиот авион.
Осум британски авиони Ф35 се наоѓаат на носачот заедно со десет американски Ф35-ки. Тие се Б-варијантата на млазниот ловец на Локид Мартин, која може да полета на мала оддалеченост и да слета вертикално.
ХМС Кралица Елизабета се враќа во Британија по повеќе од седум месеци на море на своето прво патување до Далечниот Исток и назад.
