Мотивот за инцидентот во Штаде, недалеку од пристанишниот град Хамбург, не е веднаш јасен, изјави портпарол на полицијата.
Улогата на второто лице во притвор останува нејасна, изјави за Ројтерс друг портпарол на полицијата, додавајќи дека нема други осомничени на слобода.
Не е јасно колку луѓе се повредени, кажа тој, додавајќи дека сите жртви се возрасни.
Полицијата верува дека инцидентот се случил во установа за социјална помош на млади во Штаде, град со речиси 50.000 жители западно од Хамбург. Полицијата го опколила подрачјето на улица со калдрма обрабена со дрвја и куќи од црвена тула, а на местото на настанот се полицајци од судска медицина во бели костими и полицајци во цивилна облека.
По инцидентот, полицијата ги предупреди жителите да се држат подалеку од подрачјето, но подоцна соопшти дека нема опасност за пошироката јавност.
Очевидец видел маж и жена како се обидуваат да избегаат од местото на настанот во автомобил пред полицијата да ги пресретне, објави онлајн порталот Фокус, според Ројтерс.
Масовните пукотници се релативно ретки во Германија, особено во споредба со Соединетите Американски Држави, но има поголем број случаи кои привлекле големо внимание на јавноста.
Во 2023 година вооружен човек уби шест лица во Хамбург, а потоа изврши самоубиство во сала за богослужба на Јеховините сведоци. Во 2016 година осумнаесетгодишен германско-ирански маж опседнат со масовни убиства убил најмалку девет лица во Минхен.
