Трамп ова го кажал во интервју за Фокс њуз, а неговите изјави ги пренесе дописникот Треј Јингст, кој, како што тврди, разговарал со него околу 20 минути. Според Јингст, Трамп ги повторил заканите за напад на инфраструктурата на Иран, вклучувајќи мостови и електрани, кои претходно ги објави на социјалните мрежи.
🚨 BREAKING: President Trump tells FOX News’ @TreyYingst that this is the “last chance” for Iran to agree to a deal, vowing to not make the same mistake as former President Obama.
“If Iran does not sign this deal, the whole country is getting blown up,” Trump said. pic.twitter.com/u5679L8AnR
— Fox News (@FoxNews) April 19, 2026
Во денешниот разговор Трамп бил директен. „Ако не го потпишат тој договор, целата земја ќе експлодира“, изјавил американскиот претседател за Јингст на Фокс. Фокс њуз истакнува дека Трамп нагласил дека ова е последна шанса за Иран и ветил дека нема да ја повтори истата грешка како поранешниот претседател Обама.
Трамп зборувал и за воената подготвеност на Соединетите Американски Држави. „Се подготвуваме да ги удриме посилно отколку што било која земја досега била погодена, бидејќи не може да им се дозволи да имаат нуклеарно оружје“, изјавил тој. Додал дека САД имаат огромни количества муниција и го коментираше однесувањето на Иран со зборовите: „Како да не можат ништо да научат“.
И покрај острата реторика, дипломатските напори се чини дека продолжуваат. Трамп потврди дека специјалните пратеници Стив Виткоф и Џаред Кушнер ќе патуваат во Исламабад, главниот град на Пакистан, оваа недела на разговори.
Новинарот Треј Јингст, кој разговарал со Трамп, известува од Тел Авив, каде што ги следи случувањата.
Spoke with President Trump this morning about Iran for 20 minutes.
“If they don’t sign this deal, the whole country is going to get blown up,” he told me.
The President said that Special Envoys Witkoff and Kushner will travel to Islamabad, Pakistan for talks this week. pic.twitter.com/kem9GACE6D
— Trey Yingst (@TreyYingst) April 19, 2026
Амбасадорот на САД во Обединетите нации Мајк Валц кажа дека САД би можеле „релативно лесно“ да ја уништат инфраструктурата на Иран.
„Сите опции се на маса. Можеме релативно лесно да ја отстраниме таа инфраструктура“, кажа Валц во емисијата „Оваа недела“ на Еј-би-си.
Тој додаде и дека нападите врз инфраструктурата, која има двојна, цивилна и воена намена, не претставуваат воено злосторство, туку се дел од, како што рече, „скалата на ескалација“.
