„Соединетите Американски Држави се променија. Тоа е нивно право и наша обврска е да одговориме на тоа“, изјави Карни пред новинарите. Тој призна дека историските врски со Вашингтон од извор на сила се претвориле во ранливост. Тој нагласи дека Отава сега дејствува „брзо и амбициозно“ за да ја зајакне домашната отпорност, а воедно да го прошири своето глобално влијание.
Карни кажа дека за помалку од една година, Канада обезбедила повеќе од 20 економски и безбедносни партнерства со обновување на соработката со „глобалните гиганти“ како Индија, Кина и Бразил. Во исто време, се прават напори за продлабочување на односите со Европската Унија, нордиските земји и Австралија.
„Благодарение на тоа, ги привлекуваме најзначајните инвестиции во рамките на групата Г7 и сме на добар пат да го удвоиме извозот на пазари надвор од САД во следната деценија“, кажа тој. Тој истакна дека нарачките во вредност од 300 милијарди долари за канадски ресурси, стоки и професионални услуги се реализираат преку нови партнерства.
Карни го најави основањето на фондот „Силна Канада“, првиот суверен фонд за богатство во Канада. „Новиот фонд „Силна Канада “ ќе им овозможи на сите Канаѓани да имаат директен удел во градењето на силна Канада“, заклучи тој.
