Настанот се случил на 4 мај, а полицијата ја извести јавноста за него во четвртокот, пишува Истарска полиција.
Малолетникот се товари за нарушување на јавниот ред и мир.
Како што се наведува во соопштението на полицијата, малолетниот хрватски државјанин на 4 мај околу 15.05 часот во Титовиот парк во Пула положил венец по повод одбележувањето на годишнината од смртта на Јосип Броз Тито. Притоа бил облечен во воена униформа на ЈНА и носел капа со истакната црвена ѕвезда петокрака, пренесува Индекс.
Полицијата наведува дека ЈНА е војска што „изврши агресија врз Република Хрватска“ и дека момчето со носењето и истакнувањето на симболите на јавно место предизвикало вознемиреност во јавноста, со што го нарушило јавниот ред и мир. Со своето однесување, смета полицијата, сторило обележја на прекршок од Законот за прекршоци против јавниот ред и мир.
Поради сомневање дека сторил прекршок, полицијата против малолетникот ќе поднесе обвинителен предлог до надлежниот суд.
