Најавата на Њусом доаѓа како реакција на вчерашните вести од Вашингтон, а гувернерот на Калифорнија не крие дека неговата цел е да го исмее она што критичарите го нарекуваат нарцизам на сегашната администрација. Заедно со илустрацијата на возачката дозвола, Њусом напиша порака со големи букви, нагласувајќи дека „многу луѓе велат“ дека тоа е најдобрата возачка во историјата.
IN HONOR OF CALIFORNIA’S 175TH ANNIVERSARY, WE WILL BE ROLLING OUT A VERY SPECIAL DRIVER’S LICENSE FOR EVERY CALIFORNIAN THIS SUMMER! IT WILL FEATURE A HANDSOME, HIGH-QUALITY PHOTO OF ME, GAVIN C. NEWSOM. MANY PEOPLE ARE SAYING IT’S THE BEST LICENSE EVER MADE IN THE HISTORY OF… pic.twitter.com/svCAc9oNkw
— Governor Newsom Press Office (@GovPressOffice) April 29, 2026
Во својата најава гувернерот наведе дека новата дозвола се воведува по повод 175-годишнината од Калифорнија и дека секој жител на таа федерална држава ќе добие документ со неговата „убава и висококвалитетна фотографија“ ова лето. Њусом иронично додаде дека фокусот воопшто не е на него, и покрај фактот дека тој е на сликата, туку за прославата на „прекрасната држава“.
Ваквиот настап е јасен обид да се исмее стилот на комуникација на Доналд Трамп, кој често користи слични фрази за „најдобрите работи во историјата“ и „за што зборуваат луѓето“.Њусом е еден од најжестоките критичари на Трамп и се очекува дека би можел да се обиде да ја добие номинацијата на Демократската партија за претседател на САД на следните избори.
Објавата на Њусом е директен одговор на вчерашното соопштение на Стејт департментот за издавање комеморативни пасоши по повод 250-годишнината од американската независност. Тие пасоши ќе имаат портрет на Доналд Трамп, неговиот потпис во златна боја и мотиви од Декларацијата за независност и американското знаме на внатрешната корица.
Patriot passport unlocked. 🦅
Limited edition. Stamped for America 250. 🇺🇸 pic.twitter.com/86uxPS1FEk
— The White House (@WhiteHouse) April 28, 2026
Иако администрацијата го опишува потегот како дел од пошироката прослава „Америка250“, која вклучува и спортски настани како што е борба на УФЦ во Белата куќа, опозицијата го смета за несоодветна употреба на националните симболи за промовирање на еден човек. Администрацијата на Трамп тврди дека пасошите се безбедни и дека треба да одбележат историски момент, но пародијата на Њусом сугерира дека линијата помеѓу националната прослава и личното брендирање е целосно замаглена во овој случај.
