Барса со 3-2 го совлада Реал Мадрид во меч кој траеше 120 минути.
Кога ќе дојде на ред да се игра финале, таму Флик е најдобар, досега не се нашол некој кој ќе го победи Германецот во финале.
Досега тој играл седум финалиња и секогаш излегувал како победник. Пред вчерашниот триумф во Купот на Шпанија, флик со Барселона го освои и шпанскиот Суперкуп кој се играше во Саудиска Арабија.
Претходно со Баерн Минхен победи во пет финалиња, по еднаш во Лигата на шампионите, УЕФА Суперкупот, Германскиот куп, Суперкупот на Германија и Светското клупско првенство.
Наредно можно финале за Флик е Лигата на шампионите, но за да стигне до него прво ќе треба да го помине Интер.
