Португалската суперѕвезда го доживеа четвртиот пораз по ред во финале со саудискиот клуб, овојпат во завршницата на второто по ранг азиско клупско натпреварување. Во Ријад, Ал-Наср беше поразен од јапонскиот состав Гамба Осака со минимални 1-0.
Моментот на одлука се случи во 30. минута кога Дениз Хумет ја затресе мрежата за водство на јапонскиот тим. Во второто полувреме Роналдо и неговите соиграчи силно притискаа во потрага по израмнување, но одбраната на Гамба Осака остана непробојна и трофејот замина во Јапонија.
По последниот свиреж, камерите го уловија видно разочараниот Роналдо како стои на центарот од теренот. Сепак, најголемо внимание привлече неговиот потег непосредно пред церемонијата, додека остатокот од тимот се упати кон доделувањето на медалите, Роналдо замина директно во соблекувалната.
🚨 𝗖𝗢𝗡𝗙𝗜𝗥𝗠𝗘𝗗: Al-Nassr’s captain Cristiano Ronaldo was NOT with the team to collect the silver medal.
Jorge Jesus and Joao Felix lead the team to the podium instead.
Probably Cristiano Ronaldo Ran away from the Embarrassing Moments #Ronaldo #CR7 #SPL #Alnasser pic.twitter.com/BNLYiKE5Jc— CommonMan659 (@DheeraKL) May 16, 2026
На социјалните мрежи веднаш се појавија реакции дека искусниот Португалец не сакал да присуствува на врачувањето на сребрениот медал во турнир кој се смета за втор по квалитет во Азија.
Со овој пораз, Роналдо и натаму останува со само еден освоен трофеј откако пристигна во Саудиска Арабија, титулата во Арапскиот клупски шампионат од 2023 година, натпреварување кое не е официјално признаено од ФИФА. Португалецот сѐ уште нема важен трофеј со Ал Наср.
Cristiano Ronaldo tampak terpukul setelah Al Nassr kalah dari Gamba Osaka di Final AFC Champions League Two, dan GAGAL JUARA untuk yang kesekian kalinya. 💔
Cristiano juga ABSEN tidak ikut menghadiri pengambilan medali juara kedua. 😭 pic.twitter.com/xWrOALU3vA
— Extra Time Indonesia (@idextratime) May 16, 2026
