Македонскиот тим ќе гостува кај Татабања во првиот натпревар од финалето на Европскиот куп на ЕХФ.
Охриѓани сезонава приредија вистинска сензација на европската сцена и со одличните настапи заслужено стигнаа до битката за трофејот. Тимот на Борис Ројевиќ во полуфиналето по голема драма и седмерци го елиминира Целје, со што обезбеди историско финале.
Татабања ќе ја има фаворитската улога пред својата публика, но Охрид покажа дека знае како да се носи со притисокот и силните противници. За унгарскиот состав настапува и македонскиот репрезентативец Филип Талески, кој минатото лето беше поврзуван со трансфер во охридскиот клуб.
Реваншот ќе се игра на 31 мај во салата „Билјанини извори“, каде веќе владее огромна еуфорија.
