Селекторот Роналд Куман се наоѓа пред тешка одлука, бидејќи искусниот напаѓач има сериозни проблеми со повредите и долго време е надвор од натпреварувачки ритам.
Депај нема одиграно натпревар за Коринтијанс уште од 23 март, а во текот на 2026 година запиша само 13 настапи и постигна еден гол. Иако неодамна се врати на тренинзите, повторно заработил нова повреда, овојпат на другата нога. Тоа значи дека најверојатно ќе ги пропушти и последните два натпревари пред Мундијалот, кои требаше да му бидат последна шанса да го убеди Куман дека е подготвен за настап.
„Постои можност Мемфис да биде на конечниот список, но потребно е повторно да игра натпревари за клубот и ако е можно да минува близу 90 минути на теренот“, изјави Куман.
Холандскиот селектор треба да го објави конечниот список на 26 мај, а неизвесноста околу Депај останува една од главните теми во холандската јавност.
