Далас бележеше одлични резултати во подготовките, па сите очекуваа многу подобро издание од нив кај Атланта, но им се случи дебакл, пораз од 26 поени разлика.
Атланта ги доби сите четири четвртини, во последниот период во еден момент имаше и 30 поени разлика.
Лука Дончиќ беше најдобар во составот на Далас со 18 поени, имаше и 11 скокови. Најефикасен кај Атланта беше Редиш со 20 поени, но најдобар беше Јанг кој постигна 19 поени, имаше и 14 асистенции.
[video:https://www.youtube.com/watch?v=TWMTrpo4WGk autoplay:0]
Стеф Кари имаше маестрална партија против Лос Анџелес Клиперс и му донесе победа на својот тим од 115:113. Ова беше втора победа за Голден стејт, по воведниот триумф над ЛА Лејкерс.
Особено луда беше првата четвртина во која Кари не промаши а постигна неверојатни 25 поени, имаше шут 9 од 9, 5 од 5 за три поени.
Кари постигна вкупно 45 поени, имаше и 10 скокови, најдобар кај Клиперс беше Пол Џорџ со 29 поени.
[video:https://www.youtube.com/watch?v=AL0ZzQiHGUg autoplay:0]
Резултати:
Атланта – Далас 113:87
Мајами – Милвоки 137:95
Голден стејт – ЛА Клиперс 115:113
