Во дуелот на двата тима со најмногу титули во НБА лигата, ЛА Лејкерс беше поуспешен од Бостон со 117:102. Мечот беше решен во третата четвртина која „езерџиите“ ја добија со 31-20.
Леброн Џејмс мечот го заврши со 30 поени, но имаше голема помош од Вестбрук и Дејвис, „големата тројка“ вкупно реализираше 71 поен.
Тејтум беше најдобар поединец на мечот со 34 поени, но недостасуваше придонесот од другите кошаркари на Бостон.
[video:https://www.youtube.com/watch?v=QrR0md03bAU autoplay:0]Далас дома загуби од Бруклин со 99:102, „маверикс“ на паузата заминаа со +12, во третиот период имаа и највисока предност од 17 поени, но со катастрофална последна четвртина ја испуштија победата.
Во четвриот период, Далас постигна само 13 поени, во завршните 3:51 минути не реализираше ниту еднаш од отворена игра, па Бруклин предводен од Дурант и Харден ја однесе победата.
Лука Дончиќ беше прв стрелец со 28 поени, Дурант постигна 24 поени, додека пак Харден еден помалку.
[video:https://www.youtube.com/watch?v=UiLSi0_j4v0 autoplay:0]
