Откако ја освоија титулата, на прославата по мечот со Струга, вардарци меѓудругото пееја песни навредувајќи ја Каролина Гочева и градот Битола.
Таквото однесување предизвика многу реакции и осуди од сите страни, а се јави и фудбалскиот клуб Пелистер.
„Најостро ги осудуваме навредливите и понижувачки пораки упатени кон жените од Битола за време на прославата на титулата на ФК Вардар, како и во т.н. извинување на нивниот прв човек. Фудбалот треба да обединува, да слави спортски дух и успех, а не да биде простор за ширење омраза, сексизам и навреди.
Ниту една прослава не смее да биде оправдување за деградирање на жените, навредување или ширење примитивизам. Ваквото однесување не е навивачка страст, туку срам за спортот и за општеството.
Почитта мора да биде над ривалството. Да навиваме со срце, но и со достоинство“, се вели во реакцијата.
