Ѓоковиќ одамна обезбеди учество во Торино, но беше неизвесно дали ќе настапи со оглед на тоа што и минатата година имаше обезбедено учество, но не играше.
Информацијата дека Ѓоковиќ овојпат ќе биде дел од турнирот ја потврди директорот Анџело Бинаги.
🚨 « NOUS AVONS LA CONFIRMATION QUE DJOKOVIC JOUERA À TURIN »
Cette information a été confirmée par le président de la Fédération italienne de tennis (FITP), Angelo Binaghi, dans l’émission « La Politica nel Pallone ». 🇮🇹 pic.twitter.com/3t5sfPsjSC
— Univers Tennis 🎾 (@UniversTennis) November 3, 2025
Ѓоковиќ е најуспешен тенисер на завршниот Мастерс со седум освоени титули, една повеќе од Роџер Федерер кој последен пат на него триумфираше во 2011 година. Последната титула на Новак, пак, е од 2023 година и тоа е последниот голем АТП трофеј што го освои во кариерата бидејќи оттогаш, триумфираше само уште на турнирот во Женева што беше негов 100. пехар во кариерата.
Завршниот Мастерс се одржува од 9 до 16 ноември, а покрај Ѓоковиќ, сигурни учесници се уште Синер, Алкараз, Зверев, Шелтон, Фриц и Де Минор. За последното место конкурираат Оже Алијасим и Музети кои деновиве ќе одлучат кој ќе патува во Италија.
