Леонардо Спинацола минатата недела ја повреди Ахиловата тетива, левиот бек веднаш беше опериран и сега го чека долг процес на опоравување и пауза од најмалку шест месеци.
Па Рома и Жозе Мурињо започнаа потрага на нов лев бев а според пишувањата на „Ил Темпо“, ново име на листата со желби е Езгјан Алиоски.
Македонецот е слободен играч откако заврши неговиот договор со Лидс на 30. јуни а преговорите за продолжување на соработката завршија неуспешно.
„Ил Темпо“ вели дека раководството на Рома веќе остварило контакт со придружбата на Езгјан Алиоски, наскоро ќе започнат преговори со неговиот агент и ќе достават конкретна понуда.
Весникот исто така додава дека Милан и Наполи внимателно ја следат ситуацијата. Македонецот претходно се поврзуваше со трансфер во Турција, каде Галатасај и Трабзонспор пројавуваат интерес.
