Фудбалерот од средниот ред игра одлична сезона во дресот на Сараево и е еден од клучните играчи на босанскиот тим. Токму добрите настапи го ставија на радарот на повеќе клубови од Европа, а според информациите од БиХ, најконкретен во овој момент е токму Лех Познањ.
Станува збор за клуб кој редовно е дел од европската сцена и важи за еден од најорганизираните и најуспешни тимови во Полска. Во Познањ веруваат дека Елези би бил сериозно засилување за средниот ред, а воедно гледаат и простор за негов дополнителен развој.
Македонецот во досегашната кариера настапуваше за Шкупи, Скендербег, Вараждин, Бохум и Горица, пред да пристигне во Сараево каде што целосно ја афирмираше својата игра.
