Луѓето зборуваат во сон максимум 30 секунди, се случува некои да зборуваат и неколку пати во текот на ноќта. Понекогаш тоа се јасни фрази и зборови, а понекогаш само мрморење.
„Според моето искуство, зборувањето во сон може да биде поврзано со преоптоварување на нервниот систем и е предизвикано од прекумерно гледање во екран пред спиење или внесување на големи количини кофеин во текот на денот“, рече д-р Нерина Рамлахан, терапевт и експерт за спиење.
Ако вообичаено не зборувате во сон и одеднаш почнете, причините би можеле да се:
- емоционален стрес;
- пореметување на температурата;
- употреба на одредени лекови кои влијаат на мозокот.
Исто така, зборувањето во сон може да се појави кај луѓе кои се самокритични, како и кај оние кои си поставуваат високи цели.
Многу често, луѓето кои сакаат сè да држат под контрола не кажуваат гласно што мислат, тоа се случува кога потсвеста ја презема контролата над свеста.
