Обвинителството ќе ги истражува јавните набавки за изградба на 19 модуларни болници

„Денеска до Бирото за јавни набавки и Министерството за труд и социјална политика е издадена Наредба за обезбедување на севкупната документација поврзана со изградбата на сите 19 модуларни болници. Прибраните материјални докази ќе бидат предмет на анализа во насока на утврдување дали документацијата за спроведената јавна набавка соодветствува со техничката документација за овие објекти“, соопшти Основното јавно обвинителство за гонење на организиран криминал и корупција и додаде дека ќе преземе и други дејства за прибирање на докази со цел утврдување на фактичката состојба.