Времето денеска претпладне ќе биде сончево со мала до умерена облачност, а попладне ќе има услови за локална нестабилност проследена со пороен дожд, грмежи и засилен ветер.
Според прогнозата ќе дува силен ветер од западен правец, кој на одредени места ќе достигнува брзина и над 80 километри на час. Попладне ќе има услови за локална појава на нестабилност со пороен дожд, грмежи и засилен ветер. Максималната температура ќе биде во интервал од 24 до 32 степена.
Во Скопје, сончево со мала до умерена облачност. Ќе дува умерен до засилен ветер од западен правец. Попладне во делови од котлината ќе има услови за појава на краткотраен пороен дожд, грмежи и засилен ветер. Максималната температура ќе достигне до 28 степени.
