Апасиев оцени дека политичката криза денеска само е дополнително продлабочена и дека опозицијата мора да се радикализира, што подразбира и протести и блокади и други методи. Демократијата е во парализа, нагласи лидерот на Левица.
„Мојот став е јасен бидејќи е очигледно дека власта ги користи сите расположливи полуги. Власта примени мексиканско сценарио. Ова е картел, мафија. Претседателот Пендаровски треба сериозно да размисли што се случува во земјава. Пратеник е исчезнат. Снимката покажува многу нешта, мене ми изгледаше како тој пратеник да е пред егзекуција, како на снимки од терористички организации. Ситуацијата е опасна. Јас сум на тој став дека е потребна радикализација на методите на опозицијата. Очигледно е дека власта не заминува ‘милум’. Вака власта може да дојде и до 90 пратеници. Се губи смисла на изборите. Оваа ситуација е неодржлива. Демократијата е парализиарана. Со лидерите на опозцијата треба да се разговара за радикализација“, рече Апасиев.
Тој нагласи дека радикализацијата значи протести, блокади, парализа на Собранието, бидејќи, како што рече, Собранието практично не постои.
