Автомото сојузот на Македонија информира дека интензитетот на сообраќај на патните правци надвор од градските средини е зголемен.
„На граничните премини од македонска страна, времето на чекање на Богородица е 20-30 минути, на Табановце е 20-30 минути, додека на останатите гранични премини нема подолги задржувања за влез и излез од државата“, соопшти АМСМ.
Автомото сојузот препорачува приспособена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите каде што има можност од појава на одрони.
„Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево“, наведува АМСМ.
